LEGAZPI CITY – Arestado ang isang lolo sa drug buy-bust operation sa Purok 7, Brgy. Binatagan, lungsod ng Ligao, Albay.
Kinilala ang suspek na si alyas “Pedro”, 60 anyos at residente ng nasabing barangay.
Isinagawa ng Ligao City Police Station ang operasyon, kasabay ang Philippine Drug Enforcement Agency (PDEA) Bicol laban sa nasabing suspek.
Pinagbentahan ng suspek ang poseur buyer ng isang pakete ng pinaniniwalaang “shabu”.
Nang magkaabutan na ng item at pera, dito na hinuli ang suspek at narekober sa kanya ang kaaprehong item at perang ginamit na buy-bust money.
Sa ngayon, hawak na ng pulisya ang suspek para sa kaukulang disposisyon.
