DUNA nay ‘persons of interest’ ang kapulisan sa pagpanulis sa pawnshop sa Koronadal City atong Pebrero 21 ning tuiga.
Kini ang gikumpirma ni Police Brig. Gen. Jimili Macaraeg, regional director sa Police Regional Office (PRO)12 sa pakighinabi kaniya.
Matud ni Macaraeg, naila na nila ang pangalan sa usa sa unom ka armadong lalaki nga milimas sa alahas ug salapi sa Agencia Brillantes. Apan mga alyas pa lang ang gigunitan nilang ilhanan sa laing lima ka tao nga lambigit sa maong krimen.
Giangkon sa labaw sa kapulisan nga grupo ang mihimo sa krimen base sa ihap sa mga suspek nga mihimo sa krimen ug sa kalkulado nga lihok.
Sa CCTV footage, makita ang pagsulod sa duha ka lalaki nga nakasuot og athletic pnp uniform dungan sulod sa uban pang nga migamit og maso aron makuha ang mga alahas. Samtang motorsiklo ug SUV ang gigamit nga getaway vehicle sa mga tulisan. I Richel Gubalani
