Gin aprubahan eon it Sangguniang Bayan it Kalibo ro daywa ka resolusyon sa ginpatigayun nga 73rd Regular Session nga may kaangtanan sa pag insister nga ro “Hala Bira” chant hay sangka Aklanon heritage.
Ro daywa ka resolusyon hay gin-author nanday SB members Phillip Yerro Kimpo, Chairman for Committee on Education ag Hon. Ronald Marte, Chairman for Tourism, Culture and Arts.
Ro Resolution No. 513 hay nagatao it haega sa kataga nga “Hala Bira” pinaagi it pag engganyo nga ubrahon nga pormal ro paggamit kara bilang tagline it turismo ag promosyon.
Samtang, ro Resolution No. 514 hay ro pagpaimproba sa Pook Esplanade & Jetty Port Area bilang tourism attraction pinaagi it “Hala Bira Kalibo” landmark, nga ro pagkrear hay paga pangunahan it Tourism and Cultural Affairs Division ag ku Municipal Engineering Office.
Ro “Hala Bira!” ag “Puwera Pasma!” hay sangka Aklanon cultural element nga nagtao it inspirasyon, nagpasadya ag naghugpong sa mga Aklanon sa maabung henerasyon. // ANN DESLENE SALAZAR
