Priso sa Ivisan Municipal Police Station ang isa ka lalaki matapos ginserbihan sang warrant of arrest sang mga kapulisan Barangay Poblacion Norte, Ivisan, Capiz.
Ginkilala ang akusado kay alyas Nonoy, yara sa legal nga pang-edaron kag ginakabig top 1 Most Wanted Person in Municipal Level.
Nagapangatubang ini sang kaso nga paglapas sa Republic Act 10883 ukon New Anti-Carnapping Act of 2016.
Ang warrant of arrest ang gin-isyu kag ginpirmahan ni Judge Lorencito Belo Diaz, RTC, 6th Judicial Region, Branch 17, Roxas City, Capiz napetsahan Enero 20, 2024.
Ginrekomendar sang korte ang piyansa nga P300,000 para sa temporaryo nga kahilwayan sang akusado. | Judy Ann Juare
