Libre na nga makakuha sang voter’s certification ang mga botante nga luyag mag-avail sini sa opisina sang Comelec.
Ini ang malipayon nga ginpakigbahin ni Atty. Will Arceño, Provincial Election Supervisor sang ma-interview sang Brigada News FM Roxas City.
Suno kay Arceño, kun sadto nagapangukot sila sang P75 para sa certification, subong wala na bangud ginkakas na sang nasambit nga ahensya.
Ginpahayag man sini nga dapat personal gid nga magkadto kun nagagawad sang voter’s certification bangud nagasunod sila sa privacy act.
Ginklaro ni Arceño, nga napilitan lamang sila nga mag-isyu sang resibo kag manukot kun ang nagagawad nagakinahanglan sang resibo bangud isa ini sa mga rekisitos kun naga-apply sa Department of Foreign Affairs. | Judy Ann Juare
