NAGA CITY- Sugatan ang isang babae matapos na mahagip ng tren sa Naga City.
Sa imbestigasyon ng Police Station 2, sinagip ng biktima ang aso na nasa riles pasado alas- 8 ng umaga nitong Lunes Pebrero 19, 2024 sa Concepcion Pequeña. Tumilapon ito at nagtamo ng minor injuries. Nadala naman sa pagamutan ng mga oras ding iyon.
Una nang sinabi ng pamunuan ng Philippine National Railways na mag-ingat ang publiko lalo na regular ang biyahe ng tren mula Naga patungo sa lalawigan ng Albay. Gayundin ang Naga- Sipocot.
