Ku nagtaliwan nga Enero 31, ginpatigayun ro turn-over ceremony sa tunga it Aklan Provincial Government ag World Health Organization kaeakip ro Department of Health ag Korea International Cooperation Agency (KOICA) sa katatapos eamang nga proyektong WASH o Water, Sanitation, and Hygiene sa probinsya it Aklan.
Bukod sa nasambit nga proyekto, gin-turn over man ro Solar Energy Projects bilang kaparte it pagbueoligan it mga ahensya nga makatao it dugang nga proyekto sa probinsya.
Nagtambong sa nasambit nga turn-over ceremony ro mga miyembro it SP Aklan, Provincial Health Office, World Health Organization Representative to the Philippines, mga Municipal Mayors it mga banwa nga naging benepisyaryo it proyekto, ag ro andang mga municipal health officers ag ro Regional Director it DOH-CHD VI nga si Dr. Adriano Suba-an. // ANN DESLENE SALAZAR
