PORMAL na nga gipasakaan og kaso sa usa ka konsehal ang lalaki nga sumala pa nanghasi sa ilang balay samtang sila natulog.
Subay sa progress report sa Lagao Police Station Pebrero 5 kasong Alarm and Scandal ug Slander ang gipasaka sa reklamante nga Kagawad batok sa suspetsado nga si alyas Concon, 29- anyos.
Na-subscribe ang reklamo sa City Prosecutors Office pinaagi ni Atty. Richard Escolano ug may Docket Number nga 24-B-00073 ug 74 pinaagi sa inquest.
Kahibaluan nga kaniadtong Pebrero 3 sa kaadlawon nagpatabang sa pulis ang tagbalay human nga adunay lalaki nga sumala pa naga-singgit ug naga-yawyaw sa gawas sa ilang balay mao nga gidakop sa pulis ang suspek ug gisulod sa selda. I Ver Diazon
–
