LEGAZPI CITY – Arestado an sarong lalaki na kinokonsiderar na City Most Wanted Person sa manhunt operation kan Legazpi PNP sa Purok 3, Resettlement, Brgy. Banquerohan, Legazpi City.
.An suspek, sarong 32 anyos na lalaki, warang agom asin residente kan nasambit na barangay.
Naarestar ini sa kusog kan mandahamiento de aresto para sa mga kasong panlulugos nin menor de edad na warang tinalaang piyansa asin pang-aabuso nin aki na may piyansang PHP200,000.
Presente na ining nagtetenir sa kustodiya kan nasambit na hepatura para sa magkakanigong disposisyon.
