Target ng Armed Forces of the Philippines na magdagdag pa ng task forces sa bansa.
Sa kaniyang pagbisita sa Mavulis Island sa Batanes , sinabi ni AFP Chief of Staff Gen. Romeo Brawner Jr., na ito’y para tiyakin ang seguridad at kaligtasan ng publiko sa bansa.
Iginiit din ni Gen. Brawner na walang katotohanan ang mga lumulutang na balita hinggil sa umano’y pagbuwag ng Task Force Davao.
Bumisita ang AFP Chief kasama si Defense Sec. Gilbert Teodoro sa Batanes para kumustahin ang kalagayan ng mga sundalong nakadestino sa pinakadulong hilagang bahagi ng Pilipinas.
#
