LEGAZP CITY – Arestado an lalaking kinokonsiderar na Most Wanted kan syudad nin Legazpi City huli sa kasong may kinaraman sa iligal na droga.
Binisto ining si alyas “Tikboy”, 27 anyos asin residente kan Brgy. Bigaa kan nasambit na syudad.
Naarestar ini sa Brgy. Lidong, banwaan kan Sto. Domingo, Albay sa kusog kan mandahamiento de aresto sa kasong pagbalgar sa Article II, Paragraph 1 kan RA 9165 o Comprehensive Dangerous Drugs Act of 2002.
Wara man ki itinalaang piyansa an korte para sa saiyang temporamenteng libertad.
Kapot na ini ngunyan kan Legazpi City Police Station para magkakanigong disposisyon.
