Hilway na ang kalalawran sang Probinsya sang Capiz sa paralytic shellfish poison ukon toxic red tide.
Ini ang ginkumpirmar ni Provincial Agriculturist, Sylvia Dela Cruz sang ma-interview sang Brigada News FM Roxas City.
Suno kay Dela Cruz, negatibo na sa red tide ang kabanwahanan sa Capiz kag syudad sang Roxas.
Bangud sini, mahimo na nga makaharvest, makabaligya kag makakaon sang mga panginhason sa amo nga mga lugar.
Matandaan nga sang nagligad nga tuig 2023, temporaryo nga nadulaan sang palangitan-an ang mga manugpanginhas sa probinsya. | Judy Ann Juare
