PAKYAS ang usa ka Persons Deprived of Liberty (PDL) sa pagpayuhot og iligal nga droga human nga nadakpan sa otoridad.
Kung nagmalampuson nga napasulod sa Davao City jail facility ang iligal nga droga nga giputos sa suspek sa condom ug gisuksok sa iyang sampot, triple ang kantidad niini.
Una niini, gipailalom sa court trial hearing ang maong suspek ug hugot kining gimonitor human sa nadawat nga intel reports sa posibleng pagpayuhot niini og iligal nga droga pinaagi sa “brush pass” (salisi) o “dead drops” sa ilang mga drug courier nga kakunsabo nga posibleng anaa lamang sulod sa hall of justice.
Apan nakabantay na niini si JO1 Michael Vincent Andres hinungdan nga nagpahigayon kini og body frisking ug nakita sa posisyon sa suspek ang gituohang illegal drugs.
Kapin kon kulang 31.91 grams nga dunay Standard Drug Price value Php 216, 988.00 pesos ug gituohang pinaugang dahoon sa marijuana nga anaa sa kapin kon kulang 0.67 grams nga dunay Standard Drug Price Value nga Php 1,005.00 pesos.
