NAKA KUSTODIYA sa Bula Police Station ang usa ka lalaki nga gialegar nga nisulod sa usa ka repair shop sa Alunan, unya sulay nga nanguha og baterya sa sakyanan.
Subay sa talaan sa presento sais ang gidakop mao si Ivan Nawal, 32- anyos, ulitawo, walay trabaho ug temporaryo nga nagpuyo sa Purok Islam, Barangay Dadiangas South.
Ang reklamante mao si Sergeant Warren Delos Reyes, 36-anyos, miyembro sa Joint Task Force Gensan sa Bula.
Subay sa alegasyon nasakpan si Nawal nga nisulod sa shop ug kuhaon unta ang 7 plates nga baterya sa sakyanan apan naaktuhan sa tag-iya mao nga gidala sa police station. I Ver Diazon
