GENERAL SANTOS CITY- NAUGDAW sa sunog ang upat ka kwarto sulod sa usa ka compound sa Camia Street, Barangay Dadiangas East, Gensan human nabiyaan sumala pa kini sa mga tagbalay tungod adunay gitambongan nga aktibidad sa plaza.
Unang nakamatikod sa sunog pasado alas onse sa gabei, Disyembre 19 ang usa ka silingan nga si Kate., ug sumala niini kalit lamang nga nagsiga ang kalayo sa sulod sa compound samtang walay tawo.
Nasayran nga ang mga nagpuyo sa lugar nanuroy matud pa sa plaza dungan sa paskuhan sa GenSan. Lakip sa mga nasunog ang duha ka motorsiklo, mga importanteng gamit sa tagbalay, bugas, kwarta ug uban pa.
Gani, nagkadipo-dipo pa ang mga bombero aron lang maapula ang kalayo. Apan wala nay nasalbar nga gamit ug swerte sab nga walay nasamdan sa panghitabo. Sa kasamtangan padayon nga giimbestigahan sa BFP-Gensan ang natala nga damyos sa sunog ug kung unsa ang posibleng hinungdan niini.
