CAMARINES NORTE – Inaresto ng mga operatiba ng Paracale Municipal Police Station at Highway Patrol Group ang isang lalaking akusado sa kasong carnnapping Lunes ng umaga sa Barangay Tugos, Paracale, Camarines Norte.
Kinilalala ang naarestong personahe na si alyas “Rey” 44 anyos, may asawa, residente ng nabanggit na lugar na nahaharap sa kasong paglabag sa Anti-Carnapping Act of 1972.
Ginawa ang pag aresto sa kay alyas Rey sa bisa ng warrant of arrest na ipinalabas ni Presiding Judge Cornelio M. Roll, ng RTC Branch 64 sa bayan ng Labo, Camarines Norte.
Nagrekomenda ang hukuman ng halagang P200,000.00 na piyansa para sa pansamantalang paglaya ng akusado.
Ang naarestong personahe ay nasa kustodiya ng Paracale Municipal Police Station para sa kaukulang disposisyon.
