Temporaryo unang gisuspendi sa Coast Guard Station Island Garden City Of Samal (CGS-IGACOS) ang paglayag gumikan gihapon sa Bagyong Kabayan nga karon usa na ka Low Pressure Area (LPA).
Gilayon nga gitahasan sa Coast Guard Station IGACOS ang tanang Sub-Station nga suspendihon ang mga paglayag sa mga sakyanang pandagat o bisan unsang matang nga gabyahe sa mga ruta sulod sa maritime jurisdiction niini gawas sa mga espesyal nga lugar nga mao ang (Babak Port, Kinawitnon Port ug Kaputian Pier padulong Talicud Island).
Gawas pa niini, gi-activate usab sa Coast Guard Station IGACOS ang Deployable Response Groups (DRG) sulod sa AOR aron masiguro ang maximum operational readiness sa mga tauhan, kagamitan ug asset alang sa mga posibleng paglutaw sa mga emerhensiya, ug kalamidad.
Gipatuman usab sa Coast Guard Station IGACOS ang NO SAIL POLICY sa Philippine Coast Guard (PCG) aron malikayan ang bisan unsang maritime related incidents sa AOR.
