Personal nga ginbatun ni Aklan Governor Jose Enrique ‘Joen’ Miraflores ag ni Vice Governor Atty. Reynaldo ‘Boy’ Quimpo ro Seal of Good Local Governance award nga gintao sa probinsya it Aklan, sa ginpatigayun nga awarding ceremony ku Disyembre 14, 2023 sa The Manila Hotel.
Kaibahan it Gobernador nga nagtambong sa seremonya ro mga alkalde sa Aklan nga nakasueod man bilang 2023 SGLG Awardees.
Raya eon ro ika-pitong award nga nabatun it probinsya nga pamatuod nga manami ro pamalakad it mga lider ag empleyado it kapitolyo. // ANN DESLENE SALAZAR
