LEGAZPI CITY – Tinawan-doon kan Albay Provincial Veterinary Office na nagtetenir na African Swine Fever (ASF) free an bilog na probinsya.
Ini an pigsiyerto sa publiko kan nasambit na opisina, kun sain nasa irarom sa ngunyan kan Pink Zone an probinsya sa ibong kan nagdadarakol na kaso kaini sa kataraid na mga probinsya sa rehiyon.
Dawa sunod na an red zone sa pink zone, wara paman nin aktibo o positibong kaso nin ASF sa probinsya segun sa opisina.
Epektibo man su boot an border control o an anti-ASF check-point sa gabos na mga boundary na iyo an first line of defense sa probinsya.
Piglalaoman man an kooperasyon asin pakikipagtabangan kan hog raisers, travelers, traders pati na an mga consumer na mamantenir an pagigin ASF-free kan Albay.
