Hugot nga gikondena sa Davao City Police Office (DCPO) ang naga post ug nagapakaylap og mga fake news dinhi sa syudad sa Davao.
Nasayran nga sagad sa mga sayop nga impormasyon nga i-post sa social media ang maykalabotan sa hulga sa pagpamomba o mga teroristang aktibidad.
Usa sumala pa ang syuda sa Davao sa target sa mga terorista human sa pagpamomba sa MSU, Marawi City.
Gipasalig sa DCPO nga kinsa man ang madakpan o ma-trace nga nagapakaylap sa maong sayop nga impormasyon ang manubag ilalom sa Revised Penal Code Articles 154.
Ang silot sa paglapas sa nasangpit nga artikulo mao ang pagkabilanggo uban sa multa nga anaa sa P40, 000 hangtod P 200,000.
Gisiguro sa DCPO nga nag unang prayoridad nila karon mao ang mapabiling hapsay ug malinawon ang Davao City.
