Para madugangan pa ro kahandaan it mga Kabaranggayan sa panahon it emerhensiya, ginpakamayad it LGU Kalibo nga mag ubra ro mga Kabaranggayan it Communal/Vertical Garden maeapit sa mismong Evacuation Center bilang sangka Climate Change Mitigation Program.
Sa sesyon it Kalibo Sangguniang Bayan, inaprubahan it Konseho ro resolusyon ni SB Member Christine Dela Cruz para sa 16 nga mga barangay nga magtaeana it lugar sa Evacuation Center para tamnan it mga tinuea.
Ginpaabot pa ni SB Dela Cruz nga bisan may nakapahaum nga ayuda, kinhangean ag mas mayad gihapon nga magtao it masustansyang tinuea para sa mga nag evacuate.
Raya hay bangud ro tinuea hay pwedeng kaunon it mga biktima it kalamidad. // ANN DESLENE SALAZAR
