Nakahunong sa lock-up-cell sang Panay Municipal Police Station ang isa ka Ginang matapos nadakpan sa akto nga nagapataya sang iligal nga “STL Bookies” sa Sitio Ilawod, Barangay Daga, Panay, Capiz takna alas 5:32 kahapon sang Sabado, Disyembre 9.
Ginkilala ang nadakpan kay alyas Letti, yara sa legal nga pang-edaron kag residente sang nasambit nga barangay.
Narekober sa iya paghinakop kag kontrol ang bet money nga P50 paper bill; Two (2) bundles stub sang cotejo nga may nagkalain-lain nga number combinations; Two (2) pcs blue ball pen; P850 sa nagkalain-lain nga denominasyon nga ginapatihan kita sa pagpataya kag isa ka sling bag (red).
Magapangatubang ini sang kaso nga paglapas sa Presidential Decree (PD) 1602 ukon imposes penalties for individuals taking part in illegal gambling activities nga gin-amendaran sang Republic Act 9287 ukon Philippine Gambling Laws. | Judy Ann Juare
