Pormal nga ginbuksan ang mas ginpanami nga La Playa de Roxas kag Capiz Seafood House sa Peoples Park sang Barangay Baybay, Roxas City.
Suno kay Mayor Ronnie Dadivas, ang Capiz Seafood House ang sabat sa madugay na nga hinyo ‘Restaurant’ kun sa diin mahimo makabakal kag makakaon sang preska, barato kag manami nga Seafoods halin mismo sa mga local producers sa siyudad.
Dugang pa, samtang nagakaon ang mga bisita, magaenjoy man ang mga ini sa matahum nga view sa People’s Park kag baybayon nga magabukas adlaw-adlaw alas 10:00 sa aga tubtob 10:00 sa gab-e.
Matandaan nga sang Desiyembre 5, 2023, pormal nga inagurahan ang re-development project nga people’s park sa Baybay nga isa sa mga tourist destination sa probinsya sang Capiz.//KMD Gicalde
