LEGAZPI CITY – Nakaresibe an probinsya kan Albay nin Mabalos Award hale sa Bicol Regional Development Council (RDC) para sa kontribusyon kaini sa rehiyon.
An nasambit na award, maserbing pagbisto bako sana sa mga nagibuhan kan probinsya sa bilog na rehiyon kundi nagpapahiling man ini kan pagtarabangan kan mga lokal na gobyerno, negosyo, asin mga Albayano.
Kun magigirumduman, nakua kan probinsya an ika-11 na puwesto sa 2023 Cities and Municipalities Competitiveness Ranking hale sa pagigin ika-15 kan nakalihis na taon.
