GITAWAG nga ‘horrific act’ sa pangulohan sa Mindanao State University (MSU) ang nahitabong pagbusikad sulod sa university gymnasium sa Marawi City nga gikamatay sa upat katao ug gikasamad sa 50.
Sa pamahayag sa MSU, gikondena nila ang insidente ug nagkanayon nga walay lugar sa civilized society ang kagubot. Matud ni Mario Aguja, Acting Director, Institute for Peace and Devlopment in Mindanao, MSU-GenSan, gihugtan nila ang seguridad sa unibersidad sa siyudad.
Nahitabo ang pagbusikad Domingo sa buntag atol sa pagpahigayon og Catholic Mass sa unibersidad. May 2017, dihang giatake sa Islamic State-linked Maute ang Marawi tungod buot nilang himoon ang lugar isip Southeast Asian “wilayat” – o governorate – alang Islamic State.
Human sa giyera, mokabat sa liboan katao ang namatay lakip ang mga sibilyan. I Richel Gubalani
