LEGAZPI CITY – Nanutaran kan Social Security System (SSS) Legazpi na nagin epektibong marhay an saindang Relief Afforded to Challenged Employers (RACE) program ngunyan na taon.
Segun kay SSS Luzon Bicol Division Vice President, Elenita Samblero, makalihis na maaraman an programa kan siandang opisina, dakol nang mga employers an boluntad na nagbibista sa sainda nganing i-settle an saindang mga kakulangan pag-abot sa paghuhulog nin kontribusyon kan saindang mga empleyadong miyembro kan SSS.
Huli kaini, mas dakol pa su boot na RACE program an saindang ikokondusir sa masunod na taon para sa kamarayan kan mga obrerong Pilipino.
Sa ngunyan, sa bilog na rehiyong Bicol, nasa 145 na mga establisyimento an saindang nabisita na igwang 1,647 mga apektadong empleyadong natabangan.
