LEGAZPI CITY – Mahigpit na binabantayan ngayon ng Pamahalaang Panlalawigan ng Albay (PGA) ang nasa 35,000 na mga pamilyang naninirahan sa paligid ng Bulkang Mayon.
Ito ay dahil sa nakaambang banta ng posibleng pagdaloy ng lahar bunsod ng sunud-sunod na pag-ulan kaugnay ng shear line.
Sa pinakahuling datos mula sa Albay Public Safety and Emergency Management Office (APSEMO), ang malakas na pag-ulan ay maaaring makaapekto sa humigit-kumulang ng 132,933 indibidwal na naninirahan sa palibit ng nasabing Bulkan.
