Arestado ang isang construction worker matapos sinubukang saksakin ang isang lalaki ng butcher knife sa Malate, Manila.
Kinilala ng Manila Police District ang suspek na si Henry Cayaban, 52 anyos.
Batay sa imbestigasyon, nakipag-inuman ang biktima na si Joseph Salazar at biglaan na lamang dumating ang salarin at tinulak ang biktima.
Pagkatapos nito, umuwi agad si Cayaban sa bahay upang kumuha ng butcher knife.
Inawat naman ito ng witness na si Reynante Jacino at agad na rumesponde ang Adriatico Police Community Precinct para arestuhin ang suspek.
