Posibleng magdeklara ng state of calamity ang probinsiya ng Sarangani dahil sa matinding pinsala na inabot ng probinsiya dulot ng magnitude 6.8 na lindol.
Maraming gumuho at nasirang imprastraktura dulot ng malakas na pagyanig noong Biyernes.
Hindi rin nakaligtas ang Munisipyo ng Glan na halos gumuho ang buong gusali sa tindi ng pagyanig.
Ayon sa local engineering department aabutin ng P20 milyon ang gastos para maayos muli ang munisipyo.
Sinabi ni Glan Sarangani Mayor Victor James Yap na maliit lang ang calamity fund ng probinsiya kaya kulang sila sa pondo para maipaayos agad ang gusali at iba pangnasira.
Pansamantala munang gagawing opisina ng lokal na pamahalaan ng Glan ang isang gymnasium habang inaayos at pinag-aaralan pa ng munisipyo ang mga nasirang kagamitan.
