CAMARINES SUR- Inaabisuhan ng Municipal Disaster Risk Reduction and Management Office (MDRRM) Garchitorena ang lahat ng mangingisda na huwag na munang pumalaot .
Ito ay dahil sa Low Pressure Area na binabantayan sa labas ng Philippine Area of Responsibility (PAR). Sa panayam ng Brigada News FM Naga kay MDRRM Officer Jeanette Bombase, sinabi nitong kahapon pa sila nakakaranas ng masungit na panahon dahil sa Hanging Amihan. Pagbugso-bugso ang hangin at ulang nararanasan. Lumalakas rin ang alon kahit hindi pa nakabandera ang Gale Warning.
Inabisuhan na nito ang mga Punong Barangay na magbigay na ng babala sa mga pumapalaot ng malayo, lalo na ang mga inaabot ng ilang araw sa gitna ng karagatan.
