Naluwas sa personahe sa Ecoland Police Station ang usa ka dalaga nga misulay pagkuto sa iyang kinabuhi pinaagi sap ag-ambak unta sa Bolton Bridge niadtong Nobyembre 12, 2023, Dominggo sa kadlawon.
Maayo na lamang kay abtik ug maisogong napakgang ni Police Auxiliary Mona Lisa P Francisco ang maong babaye nga sumala pa dunay giagian nga problema sa iyang pamilya.
Nahatod na hinoon sa kapulisan ngadto sa ilang panimalay ang babaye.
Pahimangno na lamang sa otoridad sa publiko nga mamahimong maka-avail sa treatment facilities sa gobyerno ingon man sa pribadong sektor nga makatabang aron nga makunhuran ang susamang mga balatian.
