Sa Bacoor City sa Cavite naaresto ng mga awtoridad ang huli at pang siyam na Person Deprived of Liberty na nakatakas sa Manila Police District (MPD) Station 1 sa Raxabago St., Tondo, Maynila.
Kinilala ni MPD Spokesperson PMaj. Philipp Ines ang PDL na si Jefferson Bunso Tumbaga.
Ayon kay Maj. Innes, alas 2:15 kaninang madaling araw nang maaresto ang PDL ng mga elemento ng MPD sa SBUC Compound Soldiers Hill Narra St Molino Road sa Bacoor.
Maaalalang, niong November 8 nang tumakas ang siyam na PDL sa pamamagitan ng pagsira ng mga ito sa bakal ng kanilang detention facility.
Ang mga ito ay may kinasasangkutang kasong droga, illegal possession of firearms at iba pa.
