Ikinabahala ng mga kaalyansang bansa ng Pilipinas paulit-ulit na umano’y pambu-bully ng mga Chinese sa West Philippine Sea, matapos tangkaing harangin ng mga barko ng China ang isa pang resupply mission sa BRP Sierra Madre.
Kabilang sa mga sumuporta sa panig ng Pilipinas ang Amerika, United Kingdom, Canada, Australia at New Zealand.
Ayon sa US, nananatili silang kaalayado ng Pilipinas pagdating sa paulit-ulit na pangha-harrass ng People’s Republic of China’s (PRC).
Nanawagan naman ang New Zealand na umiwas sa mga aksyon na maglalagay sa panganib sa mga Pilipino, nagpapahina sa katatagan ng rehiyon, at para sa mapayapang paglutas ng mga hindi pagkakaunawaan alinsunod sa UNCLOS.
