GIDAKOP sa kapulisan ang usa ka lalaki nga nalambigit sumala pa sa pagpayuhot ug gidiling druga Nobyembre 9 sa hapon.
Subay sa talaan sa Alabel Police Station ang gidakop usa ka lalaki nga si alyas San-san temporaryo nga nagpuyo sa Purok Malakas, Poblacion Alabel, Sarangani Province.
Gawas sa gidiling druga nakuhaan kini ug usa ka kalibre 38 revolver nga adunay serial number.
Nabawi usab ang buybust money nga P500 ug ang fake money nga P8,000,aduna usab usa ka sling bag.
Human gidakop ang suspek gidala kini sa kustodiya sa Crmininal Investigation and Detection Group o CIDG Sarangani alang sa husto nga disposasyon.
Samtang wala usab gipagawas ang kumpleto nga ilhanan sa suspek gumikan aduna pay kauban ang dinakpan nga ginapangita sa kapulisan. I Ver Diazon
