TANGGONG na sa selda sa presinto sa Malapatan, Sarangani Province ang usa ka mag-uuma human nasikop anti- illegal drug operation.
Sa impormasyon gikan sa presinto, alas-12:57 Miyerkoles, nasikop si Khalid Jurani Solayman, 50-anyos, residente sa Purok Upper Lasang, Barangay Sapu Masla, Malapatan, Sarangani Province.
Human kini napalitan og putos sa gidudahang shabu gamit sa kapulisan ang buy bust money. Didto na nakumpiska ang kinatibuk-ang P12, 300 kantidad sa gituohang shabu sa posisyon si Solayman.
Matud ni Police Major Rolan Catuboran, hepe sa presinto sa lugar si Solayman ang ‘newly identified’ drug personality sa munisipalidad. Migula ang pangalan niini gikan sa mga personalidad nga una nilang nasikop sa operasyon.
Nasuta usab nila nga sa General Santos City gikan sa dinakpan ang gituohang shabu nga ginabaligya niini sa Malapatan. Sa karon, giandam na sa mga pulis ang kasong pagsupak sa Republic Act 9165 o Comprehensive Dangerous Drugs Act nga ipasaka batok sa dinakpan. I Richel Gubalani
