GISIGURO sa kapulisan ang paghatag og seguridad sa mediamen nga dunay bahad sa kinabuhi. Kini ang pamahayag sa opisyal sa Police Regional Office (PRO) 12 dungan sa pagpusil patay sa brodkaster sa Misamis Occidental atong Domingo samtang nagprograma.
Matud ni Police Major Riza Hernaez, tigpamaba sa PRO-12 gisiguro nila ang gilayong pag-aksyon ugaling dunay sumbong kalabut sa bahad sa media. Dugang ni Hernaez, nagpahigayon usab sila og threat assessment sa media personality, sutaon diri kung dunay sakop sa media nga dunay bahad sa kinabuhi.
Giawhag niini ang media sa rehiyon nga gilayong isumbong kanila ugaling dayon nadawat nga bahad sa kinabuhi. I Richel Gubalani
