Arestado ro daywa katawo matapos madakpan sa akto sa ginasugid nga pagbaligya it illegal nga droga sa beach front sa isla it Boracay.
Ginkilaea it mga otoridad ro mga suspek nga sangka 48 anyos nga si Rosillito Posadas nga taga Barangay Napaan, Malay, Aklan ag sangka Polish national nga si Dustin Witkiewicz.
Ro daywa hay naaresto it mga duty police officer it Malay MPS ku hapon it Nobyembre 4 sa Barangay Balabag malapit sa D’Mall D’Boracay.
Nagbaligya segun si Posadas it ginadudahan nga shabu ag party drugs sa sangka Polish national.
Ro daywa hay magapangatubang sa kasong pag eabag sa Republic Act No. 9165 o the Comprehensive Dangerous Drugs Act of 2002. // ANN DESLENE SALAZAR
