Inihahanda na ng Commission on Elections (COMELEC) ang karagdagan pang kaso laban sa mga kandidato ng Barangay at Sangguniang Kabataan Elections na nasangkot sa vote-buying.
Sa huling tala ng Task Force Kontra Bigay, mayroong kabuuang 123 na mga reklamo ng bilihan o bentahan ng boto.
Sa naturang bilang, 27 na rito ang mga naihain na.
Samantala, una nang sinabi ni COMELEC Spokesperson Dir. John Rex Laudiangco na 59 na mga nanalo sa BSKE ang na-suspend ang proclamation dahil sa mga pending na disqualification cases.
Target umano ng poll body na ma-resolba ang mga kasong ito bago mag-Disyembre.
