DAKPAN sa mga personahe sa Sta. Ana Police Station ang usa ka babaye nga tigpayuhot og iligal nga droga alas-5:46 kagahapon sa hapon sa Prk 3B, Isla Verde Brgy 23-C, ning syudad.
Ang dinakpan nailang si Jonabee Sorongon Villarin alias “Janice”, Street level individual (SLI) drug personality.
Nakuha sa posisyon sa suspek ang gibana-banaan nga 2.11 grams sa gituohang shabu nga mubalor sa kapin kon kulang Php14,348.00.
Kasamtangan, paslak na sa prisohan sa Sta. Ana PNP ang suspek samtang gihikay na ang mga dokumento alang sa pagpasaka og kasong kalapasan sa RA 9165 kon Comprehensive Dangerous Drugs Act of 2002.
