Nagpatigayun ro Department of Trade and Industry (DTI) Region VI it synchronized price and supply monitoring kaina it agahun, October 26, 2023, sa tanan nga probinsya sa Western Visayas.
Ro nasambit nga aktibidad hay kabahin it DTI Nationwide Undas Bantay Presyo, nga may tinutuyo nga siguruhon ro patas nga presyo ag supisyente nga suplay it mga baeakeon samtang nagapahaum ro nasyun sa pag-obserba sa All Saints’ Day ag All Souls’ Day sa November 1-2, 2023.
Sa bilog nga rehiyon, ginlibot it DTI personnel ro mga retail markets, transport terminals, ag flower shops, para kumpirmahon ro mga presyo it mga kandila, bottled water ag mga bueak. // ANN DESLENE SALAZAR
