Maswerteng naisalbar ro sangka ayam nga Labrador sa nasunog nga baeay sa Brgy. Polo, New Washington, Aklan kabii.
Nasayuran nga kaeakip sa rumesponde sa sunog ro Kalibo Fire Station nga ginpangunahan ni FSINSP ARDEN G. BEDOÑA, ro Municipal Fire Marshal it BFP Kalibo.
Sa kasagsagan it pagsukoe sa kaeayo, ginpakita ni FSINSP BEDOÑA ro kaisug pinaagi it pagsalbar nana sa sangka Labrador dog nga na-trap sa nagakasunog nga baeay.
Ginpasiguro man it ginakabig nga heroific firefighter nga si Bedoña nga salbar ro nasambit nga ayam ag mabahoe man ro pasaeamat it tag ana bangud salbar raya. // ANN DESLENE SALAZAR
