Pinagaaralan na ng Armed Forces of the Philippines (AFP) ang pagsasagawa ng joint resupply mission para sa mga Pilipinong sundalo sa Ayungin Shoal, kung saan makakasama ang iba’t ibang bansa na kaalyado ng Pilipinas.
Ayon kay AFP Chief of Staff General Romeo Brawner Jr., similar ito sa isinagawang joint maritime patrols, kasama ang Amerika, Canada, at Japan.
Aniya, posible na rin nilang gamitin ang Philippine Navy ships sa pinaplanong resupply mission.
Sa huli, sinabi ng hepe na ang pagpapatuloy ng resupply mission ay alinsunod sa kautusan ni Pangulong Bongbong Marcos.
