Matapos malamang parehas na urine sample ang ipabubukas para sa pangalawang doping test, winaive ni Justin Brownlee ang paggamit ng kaniyang B sample, ayon ito kay Philippine Olympic Committee President Abraham Tolentino.
Sabi ni Tolentino, hinihintay na lang nila ang magiging desisyon ng International Testing bago gumawa ng kanilang susunod na hakbang.
Habang hinihintay ang pasya ng ITA, inaasikaso na ni Brownlee ang mga medical documentation nito na gagamiting pang-apela sa desisyon ng testing agency.
Kung sakaling guilty ang professional player, maaaring hindi ito makalaro sa PBA Commissioner’s Cup at masuspinde sa paglalaro ng 2 years.
Samantala, naghahanap naman ngayon ng kapalit na import ang Brgy. Ginebra para sa PBA Commissioner’s Cup.
