LEGAZPI CITY – Opisyal nang pinunan kasuudma, Oktubre 19 an enot na aldaw nin karampanyahan para sa Barangay asin Sangguniang Kabataan Elections (BSKE).
Huli kaini, may pangapodan si Albay Governor Edcel “Grex” Lagman sa gabos na botante na pilion an mga magigin lider o opisyales kan baragay sa maabot na eleksyon.
Hagad kan gobernador na magin kabale an kada saro asin pag-adalan an mga kandidato.
Segun saiya, dapat aramon kan kada botante an rason kan pagdalagan kan sarong kandidato asin kun kaya kaining kahampangon an mga huma sa serbisyo.
Dapat su boot maaraman man kun ano an konkretong plano kan nagdadagalagan na opisyal orog na an saiyang mga ilalatag na polisiya.
Mientrastanto, nagpahayag man an gobernador nin suporta asin pagsaludo sa gabos na mga kandidato kan BSKE.
