Nagpatigayun it seminar on bomb identification ro mga personnel it Aklan Provincial Police Office (APPO) – Explosive Ordnance Disposal/K9 Unit nga ginhiwat sa Brgy. Naile, Ibajay, Aklan ku Oktubre 19, 2023.
Ro nasambit nga aktibidad hay gin-intrahan it mga tawuhan it 2nd Aklan Provincial Mobile Force Company, Barangay Peacekeeping Action Teams ag Barangay Officials it Brgy. Naile, Brgy. Naligusan, Brgy. San Jose, ag Brgy. Rizal sa Ibajay.
Tinutuyo it nasambit nga aktibidad nga magtao it edukasyon ag impormasyon sa mga BPATs member ag iba pang mga participants agud maging haum sa potensyal nga peligro halin sa mga insidenteng may kaangtanan sa pampasabog. // ANN DESLENE SALAZAR
