Kinumpirma ng Commission on Elections (COMELEC) na tapos na ang pamamahagi ng election forms sa ilang mga rehiyon para sa darating na Baranggay at Sangguniang Kabataan Elections (BSKE).
Kabilang sa nasabing rehiyon ay Cordillera Administrative Region o CAR, Region 1, Region 2, Region 3 at pati na rin ang Region 5.
Ayon kay COMELEC Chairman George Garcia, hinihintay na lamang nito ang kumpirmasyon ng Regions 9, 10, 12 at maging sa BARMM kung natapos na ba ang delivery.
Bukod dito, ide-deliver naman ngayong araw ang mga election documents sa Region 4-A.
Samantala, naka-schedule naman ang delivery ng nasabing dokumento sa NCR bukas hanggang October 20.
