Ibinunyag ng IT team ng House of Representatives na ‘binaboy’ o na-deface ang website ng Kamara matapos itong na-hack.
Ayon kay Secretary General Reginald Velasco, wala namang sensitibong impormasyon, confidential at personal data na nakuha ang hackers.
Paliwanag ni Velasco, ang website ng House of Representatives ay para naman sa publiko tulad na lamang ng panukalang batas at mga pagdinig sa Kamara.
Bukod dito, bibili rin ang Kamara ng mga karagdagang cybersecurity equipment at makikipagtulungan sa Department of Information and Communications Technology (DICT) at National Bureau of Investigation (NBI) para sa isinasagawang imbestigasyon.
