LEGAZPI CITY – Matrayumpong naisagibo sa Albay an 122nd Police Service Anniversary Celebration kan PNP kasuhapon Oktubre 13 sa Camp Simeon Ola, Legazpi City.
Naging tema kan nasambit na selebrasyon an “Nagkakaisang Pulisya at Pamayanan tungo sa Mapayapa at Maunlad na Bansa”, kun sain highlight kaini an pag-abot asin pagbisita ni PNP Chief PGen. Benjamin Acorda, Jr.
Kaibahan sa aktibidad sa selebrasyon an pagbabasbas asin pagturnover kan 22 na mga jeep single cabs; 4×2 Toyota Hilux; 1 personnel carrier, kaibahan na an pananao nin 28 medical kits.
Apwera pa kaini, binasbasan man an bagong Quick Response Team standby area, Regional Forensic Unit 5 Building, asin bagong PRO5 armory asin warehouse.
Tinao man ni Acorda an 300 unit na Basic assault rifles asin manlaen-laen na internal security operations equipment.
