LEGAZPI CITY – Maabot sa 955 na manlaen-laen na loose firearms an nakumpiskar kan Police Regional Office (PRO5) sa 6 na mga probinsya sa Bicol.
Ini an prinesentar kan PNP sa pagbisita ni Chief PGen. Benjamin Acorda, Jr. sa selebrasyon sa PNP kasuhapon.
Segun kay PNP Bicol Regional Director PBGen. Westrimundo Obinque, an mga nakumpiskar na mga badil sa mga probinsya, ginibo sana sa laog nin duwang bulan puon kan Agosto 6 hasta Oktubre 6 sa presenteng taon nin huli ta sa mahigot an saindang kampanya kontra sa mga loose firearms.
Sa kabilugan, 343 na badil an nakua sa pagpapautob nin ‘Oplan Kontra Boga’ kun saen target kan mga ini an bako mga rehistrado asin bako lisensyadobg mga badil.
Obheto kan mga operasyon na aramon an mga badil na expired o dae pa nakakarenew nin lisensya.
Apwera pa kaini, nasa 612 na badil an boluntaryong isinuko kan tagsadiri na may mga expired na lisensya.
Sa mga nakumpiskar na badil, 116 an long firearms, mantang 839 pistol caliber firearms asin iba pa.
Saro sana su boot ini sa saidang matrayumpong operasyon.
