LEGAZPI CITY – Pinunan na sa banwaan kan Camalig an pre-construction activities kan Philippine National Railways (PNR) – South Long Haul Project.
Ini makalihis na bumista an Department of Transportation (DOTr), Philippine National Railways (PNR), asin National Housing Authority (NHA) sa opisina ni Mayor Caloy Baldo kan naunambitang banwaan.
Saro kaya an Camalig sa mga banwaan na sakop kan nasambitang proyekto.
Target kan proyektong ini na bawasan an oras kan byahe sa Metro Manila kun sain hale sa doseng oras magigin haros apat na oras na sana.
Sa presente, segun sa NHA, piglalaoman na 8 barangay sa nasambitang banwaan an maaapektaran partikularmente an mga barangay kan Baligang, Binitayan, Comun, Cotmon, Gotob, Palanog, Tagaytay, asin Taladong na target na man mailipat sa mga relocation sites.
